ግርግር ሁካታ ጎልቶ ከሞላበት
ይሰማኛል ዜማ የመቅደሱ ደውል
የካህኑን ፍታት ተከትሎ አሜን ሲል
ይሰማኛል ወገን በተመስጦ ሆኖ
ከደኙ ሲማጠን በፈጣሪው አምኖ
ይሰማኛል ከዚ ከጫጫታው መሀል
ተንስዑ የሚለው
ስገዱ የሚለው
የዲያቆኑ ቃጭል
ዲያቆኑ ለጥቋል
ወደ ምስራቅ እዩ ተመልከቱ ወደዛ
ይላል መሀል ቆሞ በእጣኑ መዓዛ
ከምዕራብ ያለው ከምስራቅ ርቄ
እኔ ከዚ ያለው ለዓለም ወድቄ
ዓለምን ናፍቄ
የምስራቁን ጥሪ የዲያቆኑን ዜማ
ለነፍስ የተስማማ
በናፈቀ ልቤ ባህር አሻግሬ
ተራራ አሳብሬ
የምስራቋን ሀገር ቅዳሴ አደምጣለው
የእጣን መዓዛን በማያውቅ አየር ውስጥ እጣን አሸታለው
ጉልበቴን በሀሳብ ከደጁ ሰድጄ ጌታ ሆይ እላለለው
እላለው እላለው እላለው እላለው።
ኤልያስ .ታ
07/22/2015
No comments:
Post a Comment